زیر تبصرہ کتاب "حیدرآباد کے بڑے لوگ" سید غلام پنجتن شمشاد کی تصنیف ہے، اس کتاب میں پندرہ مضامین شامل ہیں، جن میں حیدر آباد کی ان عظیم سیاسی و سماجی شخصیات کا تذکرہ کیا گیا ہے، جنہوں نے حیدرآباد کی تعمیر و ترقی میں نمایاں کردار ادا کیا ہے، ان میں سے اکثر مضامین روزنامہ سیاست میں شائع ہوچکے ہیں، البتہ دو مضمون عیر مطبوعہ ہیں، کتاب کا مقدمہ محی الدین قادری زور نے لکھا ہے، جس میں مصنف کی شخصیت اور ادبی خدمات کا تذکرہ کیا ہے، اس کتاب کی اہمیت پر روشنی ڈالی ہے، مضامین میں شخصیات کا تعارف کرایا گیا ہے، ان کے مزاج و مزاق پر روشنی ڈالی گئی ہے، ان کی خدمات کو بیان کیا گیا ہے، ساتھ ہی حیدر آباد کی تعمیر و ترقی میں ان کا کیا کردار ہے، اس کی تفصیلات بھی درج کی گئیں ہیں۔ کتاب میں نواب اصغر یار جنگ، سر افسر الملک، نواب سرامین جنگ وغیرہ شخصیات کا تذکرہ کیا گیا ہے، کتاب کا مطالعہ بیسوی صدی کے نصف اول میں حیدر آباد کی صورت حال کو آشکار کرتا ہے۔