کلام نرم و نازک

مزاحیہ نظموں کا مجموعہ

سن اشاعت : 1970

زبان : Urdu

موضوعات : شاعری

ذیلی زمرہ جات : مزاحیہ

صفحات : 199

معاون : صولت پبلک لائبریری، رامپور (یو۔ پی۔)

For any query/comment related to this ebook, please contact us at haidar.ali@rekhta.org

کتاب: تعارف

آزادی کے بعد ہندوستان میں جن لوگوں نے مزاحیہ شاعری میں نام پیدا کیا ان میں رضا نقوی واہی کا نام اہمیت کا حامل ہے۔ رضا نقوی کی شاعری معاشرے کے اس بڑے طبقے کی سرگرمیوں، رجحانات اور تہذیب و تمدن سے جنم لیتی ہے جسے عوام کہا جاتا ہے۔ ان کی تکالیف، مسائل، غم اور خوشیاں رضا نقوی کے مشاہدے میں آ کر مزاحیہ اسلوب میں اس طور پر ڈھلتی ہیں کہ قاری لطف اندوز ہونے کے ساتھ سیاسی سماجی خامیوں اور ناہمواریوں سے واقفیت اختیار کرتا ہے۔ زیر نظر کتاب "کلام نرم و نازک" واہی نقوی صاحب کا چوتھا شعری مجموعہ ہے۔ اس مجموعہ میں واہی کی طنزیہ و مزاحیہ نظمیں شامل ہیں۔ اس کے علاوہ واہی نقوی کے 15 منظوم خطوط کو بھی اس مجموعہ میں شامل کیا گیا ہے۔ اس مجموع کلام کو 1972ء میں ڈاکٹر مناظر عاشق ہر گانوی نے مرتب کرکے نسیم بک ڈپو لکھنو کے زیر اہتمام چھپوایا تھا۔

.....مزید پڑھئے

مصنف: تعارف

رضا نقوی واہی کا شمار طنز ومزاح کے ممتاز ترین شاعروں میں ہوتا ہے۔ ان کی پیدائش 1914 کو کھجوا ضلع سیوان بہار میں ہوئی۔ اصل نام سید محمد رضا نقوی تھا، واہی تخلص اختیار کیا۔ ابتدائی تعلیم مقامی مڈل اسکول میں ہوئی، پٹنہ کالج سے انٹرمیڈیٹ کرنے کے بعد صوفی کمرشیل کالج (کلکتہ یونیورسٹی ) سے کامرس کا ڈپلومہ کیا اور 1937 میں بہار لیجیسلیٹو اسمبلی سکریڑیٹ میں آفیشل رپورٹرکی حیثیت سے ملازمت شروع کی۔ اسسٹینٹ سکریٹری کے عہدے تک ترقی کرکے 1974 میں سبکدوش ہوئے۔

واہی نے شاعری کا آغاز سنجیدہ کلام سے کیا تھا لیکن دھیرے دھیرے وہ طنز ومزاح کی طرف آگئے۔ طنز ومزاح کی شاعری پر مشتمل ان کی متعدد مجموعے شائع ہوچکے ہیں۔ واہی کی شاعری کا کینوس بہت وسیع ہے، ان کے یہاں موضوعات کا تنوع اردو کی طنزیہ ومزاحیہ شاعری کے تناظر میں حیران تو کرتا ہی ہے۔

.....مزید پڑھئے

For any query/comment related to this ebook, please contact us at haidar.ali@rekhta.org