زیر نظر تخلیق روسی ادب کے مایہ ناز ادیب گورکی کے ڈارموں کا مجموعہ ہے جس میں ان کے چار مشہور ڈارمے شامل ہیں۔ یہ بالترتیب ’ڈھیتی دیواریں‘، ’پاتال‘، بنگلے والے اور بڈھا کے نام سے ہیں۔ اول میں گھریلو زندگی کا نفسیاتی حال ایک کنبے کے حوالے سے دکھایا گیا ہے جب کہ پاتال ان کا سب سے شہرہ آفاق ڈراما ہے جس میں نچلے طبقے کی عکاسی کی گئی تھی۔ اس میں گورکی نے جس طرح سے یاسیت پسندی اور اس کے مبہم اخلاقی پیغام کی ترسیل کی ہے نیز جیسے انہوں نے اس طبقے کو دکھایا ہے اس کے لیے ان پر زبردست تنقید بھی کی گئی ۔ لیکن گورکی کا یہ ماننا تھا رسمی پلاٹ کو آگے بڑھانے سے کہیں بہتر ہے کہ یادگار کرداروں کو واضح کر کے دکھایا جائے، بعد میں یہی ڈراما سب سے بے مثال ڈراموں میں شمار کیا گیا۔’بنگلے والے‘ ایک ایسا ڈراما ہے جو ہیرووٴں اور دانشوروں کی عظمت و رفعت کی بات کرتا ہے جن کے اندر انقلابی جذبات ہوتے ہیں اور یہ روزمرہ کی زندگیوں میں تباہی مچا سکتے ہیں۔ ’بڈھا‘ ایک فلسفیانہ ڈراما ہے۔