اجنبی کون ہو تم جب سے تمہیں دیکھا ہے

اجنبی کون ہو تم جب سے تمہیں دیکھا ہے

ساری دنیا مری آنکھوں میں سمٹ آئی ہے

تم تو ہر گیت میں شامل تھے ترنم کی طرح

تم ملے ہو مجھے پھولوں کا تبسم بن کے

ایسا لگتا ہے کہ برسوں سے شناسائی ہے

اجنبی کون ہو تم

خواب کا رنگ حقیقت میں نظر آیا ہے

دل میں دھڑکن کی طرح کوئی اتر آیا ہے

آج ہر سانس میں شہنائی سی لہرائی ہے

اجنبی کون ہو تم

کوئی آہٹ سی اندھیروں میں چمک جاتی ہے

رات آتی ہے تو تنہائی مہک جاتی ہے

تم ملے ہو یا محبت نے غزل گائی ہے

اجنبی کون ہو تم