مجھے تم سے کچھ بھی نہ چاہیے

مجھے تم سے کچھ بھی نہ چاہیے

مجھے میرے حال پہ چھوڑ دو

مرا دل اگر کوئی دل نہیں

اسے میرے سامنے توڑ دو

مجھے تم سے کچھ بھی نہ چاہیے

میں یہ بھول جاؤں گا زندگی

کبھی مسکرائی تھی پیار میں

میں یہ بھول جاؤں گا میرا دل

کبھی کھل اٹھا تھا بہار میں

جنہیں اس جہاں نے بھلا دیا

میرا نام ان میں ہی جوڑ دو

مجھے تم سے کچھ بھی نہ چاہیے

تمہیں اپنا کہنے کی چاہ میں

کبھی ہو سکے نہ کسی کے ہم

یہی درد میرے جگر میں ہے

مجھے مار ڈالے گا بس یہ غم

میں وہ گل ہوں جو نہ کھلا کبھی

مجھے کیوں نہ شاخ سے توڑ دو

مجھے تم سے کچھ بھی نہ چاہیے