زلفوں کی گھٹا لے کر ساون کی پری آئی

زلفوں کی گھٹا لے کر ساون کی پری آئی

برسے گی ترے دل پر ہنس ہنس کے جو لہرائی

مچلے ہوئے اس دل میں ارمان ہزاروں ہیں

بیتاب نگاہوں میں طوفان ہزاروں ہیں

تجھ سے نہ بچھڑنے کی اس دل نے قسم کھائی

آتی ہو تو آنکھوں میں بجلی سی چمکتی ہے

شاید یہ محبت ہے آنکھوں سے چھلکتی ہے

چھوڑوں نہ ترا دامن میں ہوں ترا سودائی

سرخی ہے محبت کی ان پھول سے گالوں میں

کیا چیز میں لائی ہوں ان آنکھوں کے پیالے میں

آ تجھ کو بتا دوں میں او حسن کے شیدائی