har taraf husn hai jawani hai

har taraf husn hai javānī hai

aaj kī raat kyā suhānī hai

reshmī jism sarsarāte haiñ

marmarīñ ḳhvāb gungunāte haiñ

dhaḌkanoñ meñ surūr phailā hai

rang nazdīk-o-dūr phailā hai

dāvat-e-ishq de rahī hai fazā

aaj ho jā kisī hasīñ pe fidā

mohabbat baḌe kaam kī chiiz hai

mohabbat ke dam se hai duniyā kī raunaq

mohabbat na hotī to kuchh bhī na hotā

nazar aur dil kī panāhoñ kī ḳhātir

ye jannat na hotī to kuchh bhī na hotā

kitāboñ meñ chhapte haiñ chāhat ke qisse

haqīqat kī duniyā meñ chāhat nahīñ hai

zamāne ke bāzār meñ ye vo shai hai

ki jis kī kisī ko zarūrat nahīñ hai

ye be-kār be-dām kī chiiz hai

mohabbat baḌe kaam kī chiiz hai

ye bas naam hī naam kī chiiz hai

mohabbat se itnā ḳhafā hone vaale

chal aa aaj tujh ko mohabbat sikhā deñ

tirā dil jo barsoñ se vīrāñ paḌā hai

kisī nāznīnāñ ko is meñ basā deñ

mirā mashvara kaam kī chiiz hai

har taraf husn hai jawani hai

aaj ki raat kya suhani hai

reshmi jism sarsaraate hain

marmarin KHwab gungunate hain

dhaDkanon mein surur phaila hai

rang nazdik-o-dur phaila hai

dawat-e-ishq de rahi hai faza

aaj ho ja kisi hasin pe fida

mohabbat baDe kaam ki chiz hai

mohabbat ke dam se hai duniya ki raunaq

mohabbat na hoti to kuchh bhi na hota

nazar aur dil ki panahon ki KHatir

ye jannat na hoti to kuchh bhi na hota

kitabon mein chhapte hain chahat ke qisse

haqiqat ki duniya mein chahat nahin hai

zamane ke bazar mein ye wo shai hai

ki jis ki kisi ko zarurat nahin hai

ye be-kar be-dam ki chiz hai

mohabbat baDe kaam ki chiz hai

ye bas nam hi nam ki chiz hai

mohabbat se itna KHafa hone wale

chal aa aaj tujh ko mohabbat sikha den

tera dil jo barson se viran paDa hai

kisi nazninan ko is mein basa den

mera mashwara kaam ki chiz hai