ہر طرف حسن ہے جوانی ہے

ہر طرف حسن ہے جوانی ہے

آج کی رات کیا سہانی ہے

ریشمی جسم سرسراتے ہیں

مرمریں خواب گنگناتے ہیں

دھڑکنوں میں سرور پھیلا ہے

رنگ نزدیک و دور پھیلا ہے

دعوت عشق دے رہی ہے فضا

آج ہو جا کسی حسیں پہ فدا

محبت بڑے کام کی چیز ہے

محبت کے دم سے ہے دنیا کی رونق

محبت نہ ہوتی تو کچھ بھی نہ ہوتا

نظر اور دل کی پناہوں کی خاطر

یہ جنت نہ ہوتی تو کچھ بھی نہ ہوتا

کتابوں میں چھپتے ہیں چاہت کے قصے

حقیقت کی دنیا میں چاہت نہیں ہے

زمانے کے بازار میں یہ وہ شے ہے

کہ جس کی کسی کو ضرورت نہیں ہے

یہ بیکار بے دام کی چیز ہے

محبت بڑے کام کی چیز ہے

یہ بس نام ہی نام کی چیز ہے

محبت سے اتنا خفا ہونے والے

چل آ آج تجھ کو محبت سکھا دیں

ترا دل جو برسوں سے ویراں پڑا ہے

کسی نازنیناں کو اس میں بسا دیں

مرا مشورہ کام کی چیز ہے