kahan aa ke rukne the raste kahan moD tha use bhul ja

Amjad Islam Amjad

kahan aa ke rukne the raste kahan moD tha use bhul ja

Amjad Islam Amjad

MORE BY Amjad Islam Amjad

    kahāñ aa ke rukne the rāste kahāñ moḌ thā use bhuul

    vo jo mil gayā use yaad rakh jo nahīñ milā use bhuul

    vo tire nasīb bārisheñ kisī aur chhat pe baras ga.iiñ

    dil-e-be-ḳhabar mirī baat sun use bhuul use bhuul

    maiñ to gum thā tere dhyān meñ tirī aas tere gumān meñ

    sabā kah ga.ī mire kaan meñ mire saath aa use bhuul

    kisī aañkh meñ nahīñ ashk-e-ġham tire ba.ad kuchh bhī nahīñ hai kam

    tujhe zindagī ne bhulā diyā bhī muskurā use bhuul

    kahīñ chāk-e-jāñ rafū nahīñ kisī āstīñ pe lahū nahīñ

    ki shahīd-e-rāh-e-malāl nahīñ ḳhūñ-bahā use bhuul

    kyuuñ aTā huā hai ġhubār meñ ġham-e-zindagī ke fishār meñ

    vo jo dard thā tire baḳht meñ so vo ho gayā use bhuul

    tujhe chāñd ban ke milā thā jo tire sāhiloñ pe khilā thā jo

    vo thā ek dariyā visāl so utar gayā use bhuul

    kahan aa ke rukne the raste kahan moD tha use bhul ja

    wo jo mil gaya use yaad rakh jo nahin mila use bhul ja

    wo tere nasib ki barishen kisi aur chhat pe baras gain

    dil-e-be-KHabar meri baat sun use bhul ja use bhul ja

    main to gum tha tere hi dhyan mein teri aas tere guman mein

    saba kah gai mere kan mein mere sath aa use bhul ja

    kisi aankh mein nahin ashk-e-gham tere baad kuchh bhi nahin hai kam

    tujhe zindagi ne bhula diya tu bhi muskura use bhul ja

    kahin chaak-e-jaan ka rafu nahin kisi aastin pe lahu nahin

    ki shahid-e-rah-e-malal ka nahin KHun-baha use bhul ja

    kyun aTa hua hai ghubar mein gham-e-zindagi ke fishaar mein

    wo jo dard tha tere baKHt mein so wo ho gaya use bhul ja

    tujhe chand ban ke mila tha jo tere sahilon pe khila tha jo

    wo tha ek dariya visal ka so utar gaya use bhul ja

    Videos
    This video is playing from YouTube

    Videos
    This video is playing from YouTube

    Amjad Islam Amjad

    Amjad Islam Amjad

    RECITATIONS

    Fahad Husain

    Fahad Husain

    Fahad Husain

    AMJAD ISLAM AMJAD - KAHAN AAKE RUKNE THE RASTE Fahad Husain

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY