KHwab nadim hain ki tabir dikhane se gae
ḳhvāb nādim haiñ ki ta.abīr dikhāne se ga.e
saa.e saa.e mirī nīñdoñ ke sirhāne se ga.e
yuuñ bhī vo dil ho ki dirham pe khulā rahtā hai
apnī ik vaz-e-junūñ thī ki bahāne se ga.e
raakh alaav kī ye bikhrī huī jañgal kī ye shaam
kyā zamāne ga.e kyā log zamāne se ga.e
koī tasvīr sar-e-āb uThātā hai bhalā
ab hameñ DhūñDhte kyā ho ki uThāne se ga.e
'shāz-jī' ishq meñ aisā hī huā kartā hai
tum hue qais hue donoñ Thikāne se ga.e
KHwab nadim hain ki tabir dikhane se gae
sae sae meri nindon ke sirhane se gae
yun bhi wo dil ho ki dirham pe khula rahta hai
apni ek waz-e-junun thi ki bahane se gae
rakh alaw ki ye bikhri hui jangal ki ye sham
kya zamane gae kya log zamane se gae
koi taswir sar-e-ab uThata hai bhala
ab hamein DhunDhte kya ho ki uThane se gae
'shaz-ji' ishq mein aisa hi hua karta hai
tum hue qais hue donon Thikane se gae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.