آ اور ہر اک لطف و عنایت کے لئے آ
آ اور ہر اک لطف و عنایت کے لئے آ
تنہائیوں میں میری رفاقت کے لئے آ
لے کر نگہ ناز کا ہر نشتر سر تیز
دل پر مرے اک تازہ جراحت کے لئے آ
اخلاق کے جذبے ہی سے ہو کر کبھی مجبور
بیمار محبت کی عیادت کے لئے آ
محروم ہے تجھ سے مری دنیائے حقیقت
تو میرے ہر اک خواب کی زینت کے لئے آ
تخئیل کو مری پر پرواز عطا کر
تو میرے خیالات کی وسعت کے لئے آ
آنکھوں میں لیے میری رہائی کی بشارت
اک عمر کے زندانیٔ فرقت کے لئے آ
مغمومؔ کے قابو میں نہیں پھر نگہ و دل
اس کی نگہ و دل کی طہارت کے لئے آ
مأخذ:
(Pg. 112)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
