aabaad main rahunga ujaDne ke baad bhi

ābād maiñ rahūñgā ujaḌne ke baa'd bhī

tum se milūñgā mil ke bichhaḌne ke baa'd bhī

kuchh but na.e zarūr tarāshe ga.e magar

maiñ kyā kisī se kam huuñ bigaḌne ke baa'd bhī

tum se kabhī kahā hai ki tum sirf merī ho

maiñ ne tumhārā haath pakaḌne ke baa'd bhī

itnī sī baat par bhī koī chhoḌtā hai ghar

duniyā meñ huuñ maiñ duniyā se laḌne ke baa'd bhī

maiñ saath de rahā huuñ ye ehsān hai mirā

tum se ta'alluqāt bigaḌne ke baa'd bhī

rangat pe us kī bhārī haiñ ruḳhsār aap ke

makkhan meñ zā'frān ke paḌne ke baa'd bhī

aabaad main rahunga ujaDne ke ba'd bhi

tum se milunga mil ke bichhaDne ke ba'd bhi

kuchh but nae zarur tarashe gae magar

main kya kisi se kam hun bigaDne ke ba'd bhi

tum se kabhi kaha hai ki tum sirf meri ho

main ne tumhaara hath pakaDne ke ba'd bhi

itni si baat par bhi koi chhoDta hai ghar

duniya mein hun main duniya se laDne ke ba'd bhi

main sath de raha hun ye ehsan hai mera

tum se ta'alluqat bigaDne ke ba'd bhi

rangat pe us ki bhaari hain ruKHsar aap ke

makkhan mein za'fran ke paDne ke ba'd bhi