aadab dosti ke sikhane ki umr hai
ādāb dostī ke sikhāne kī 'umr hai
kirdār zindagī ke nibhāne kī 'umr hai
aañsū ḳhumār ḳhvāb churāne kī 'umr hai
us ko vafā ke raaz batāne kī 'umr hai
tum ko ġhamoñ se karnā paḌegā muqābla
kis ne kahā ye pīne-pilāne kī 'umr hai
guzrī ḳhushī kī 'umr mire pyāre ham-safar
ab dard-o-ġham ke giit sunāne kī 'umr hai
aḳhlāq zindagī meñ kise chāhiye yahāñ
naḳhra zamāne bhar ko dikhāne kī 'umr hai
āñkhoñ meñ pyaas dil meñ mohabbat kī aas hai
sāñval ko baar baar manāne kī 'umr hai
bachchoñ ko ye sikhā.iye 'ahmad' ki un kī ab
ḳhushiyoñ ke phuul har-sū ugāne kī 'umr hai
aadab dosti ke sikhane ki 'umr hai
kirdar zindagi ke nibhane ki 'umr hai
aansu KHumar KHwab churane ki 'umr hai
us ko wafa ke raaz batane ki 'umr hai
tum ko ghamon se karna paDega muqabla
kis ne kaha ye pine-pilane ki 'umr hai
guzri KHushi ki 'umr mere pyare ham-safar
ab dard-o-gham ke git sunane ki 'umr hai
aKHlaq zindagi mein kise chahiye yahan
naKHra zamane bhar ko dikhane ki 'umr hai
aankhon mein pyas dil mein mohabbat ki aas hai
sanwal ko bar bar manane ki 'umr hai
bachchon ko ye sikhaiye 'ahmad' ki un ki ab
KHushiyon ke phul har-su ugane ki 'umr hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
