aadmi aadmi se milte hain

aadmī aadmī se milte haiñ

aap bhī kyā kisī se milte haiñ

ye hasīñ jis kisī se milte haiñ

jāntā hai mujhī se milte haiñ

ham se furqat-nasīb kyā jāneñ

jo maze zindagī se milte haiñ

kyā batā.eñ junūñ meñ kyā kyā lutf

ham ko un kī hañsī se milte haiñ

kyā kaheñ jab vo milte haiñ tanhā

un se ham kis ḳhushī se milte haiñ

us kī sūrat ko phir koī dekhe

jis se vo be-ruḳhī se milte haiñ

un kī ruḳhsat ke vaqt ham un se

haa.e kis bekasī se milte haiñ

laakh ġham-e-zindagī hai ḳhud ya.anī

laakh ġham-e-zindagī se milte haiñ

apne maz.hab meñ hai nifāq harām

jis se milte haiñ jī se milte haiñ

suḳhan-e-'dāġh' ke mire 'rāġhib'

suḳhan-e-'shauq' hī se milte haiñ

aadmi aadmi se milte hain

aap bhi kya kisi se milte hain

ye hasin jis kisi se milte hain

jaanta hai mujhi se milte hain

hum se furqat-nasib kya jaanen

jo maze zindagi se milte hain

kya bataen junun mein kya kya lutf

hum ko un ki hansi se milte hain

kya kahen jab wo milte hain tanha

un se hum kis KHushi se milte hain

us ki surat ko phir koi dekhe

jis se wo be-ruKHi se milte hain

un ki ruKHsat ke waqt hum un se

hae kis bekasi se milte hain

lakh gham-e-zindagi hai KHud yani

lakh gham-e-zindagi se milte hain

apne mazhab mein hai nifaq haram

jis se milte hain ji se milte hain

suKHan-e-'dagh' ke mere 'raghib'

suKHan-e-'shauq' hi se milte hain