aadmi ko KHak ne paida kiya

aadmī ko ḳhaak ne paidā kiyā

ḳhaak ke saath aadmī ne kyā kiyā

rahm ke qābil nahīñ thā aadmī

āsmāñ ne jo kiyā thoḌā kiyā

soch luuñ kyā sochnā hai kyā nahīñ

sochne vaalā yahī sochā kiyā

ek duniyā mujh se thī rūThī huī

tū ne bhī Thukrā diyā achchhā kiyā

kaun thā mere sivā.e sahn meñ

vo mujhe chhup chhup ke kyuuñ dekhā kiyā

pahle sab se mashvarat kī baiTh kar

aur us ke baa'd jo chāhā kiyā

vo bahut sīdhā sahī lekin 'sha'ūr'

mere saath us ne baḌā dhokā kiyā

aadmi ko KHak ne paida kiya

KHak ke sath aadmi ne kya kiya

rahm ke qabil nahin tha aadmi

aasman ne jo kiya thoDa kiya

soch lun kya sochna hai kya nahin

sochne wala yahi socha kiya

ek duniya mujh se thi ruThi hui

tu ne bhi Thukra diya achchha kiya

kaun tha mere siwae sahn mein

wo mujhe chhup chhup ke kyun dekha kiya

pahle sab se mashwarat ki baiTh kar

aur us ke ba'd jo chaha kiya

wo bahut sidha sahi lekin 'sha'ur'

mere sath us ne baDa dhoka kiya