آئیں گے بال و پر بھی نظر روشنی نہ کر

آئیں گے بال و پر بھی نظر روشنی نہ کر

چھو لے بدن تو چاہے مگر روشنی نہ کر

سہمی ہوئی ہے راہ گزر روشنی نہ کر

سونے پڑے ہیں گھر کے یہ در روشنی نہ کر

اب تک تو کاٹ لی ہے اندھیروں میں یہ حیات

باقی بھی جائے گی یہ گزر روشنی نہ کر

ہے روشنی کی جن کو طلب ان کو بخش دے

رہنے دے تیرگی ہی ادھر روشنی نہ کر

گر روشنی ہوئی تو وہ ہو جائے گی پرے

اب روشنی سے لگتا ہے ڈر روشنی نہ کر

تلواریں تن پڑیں گی ہوئی روشنی اگر

یاورؔ گریں گے جسم سے سر روشنی نہ کر