aah ko thi jo kabhi hasrat-e-tasir so hai

aah ko thī jo kabhī hasrat-e-tāsīr so hai

thī jo bigḌī huī ushshāq kī taqdīr so hai

dil meñ us ke na huī raah kisī sūrat se

thī jo taqdīr meñ nākāmī-e-tadbīr so hai

mil ke dekhā to vo kuchh aur hī niklā lekin

dil meñ ik us kī banā.ī thī jo tasvīr so hai

aap ke zulm se pahle bhī ḳhudā shāhid hai

yuuñ hī rahtī thī tabī.at mirī dil-gīr so hai

shahr-e-ulfat kī tabāhī kī nishānī ai dost

dil kī thī ek hī ujḌī huī ta.amīr so hai

un se kartā huuñ vafā is pe jo chāheñ so kaheñ

thī hamesha se yahī ik mirī taqsīr so hai

thā kabhī pahle na āzād na ab huuñ maiñ 'jalīl'

ishq kī thī jo mire pair meñ zanjīr so hai

aah ko thi jo kabhi hasrat-e-tasir so hai

thi jo bigDi hui ushshaq ki taqdir so hai

dil mein us ke na hui rah kisi surat se

thi jo taqdir mein nakaami-e-tadbir so hai

mil ke dekha to wo kuchh aur hi nikla lekin

dil mein ek us ki banai thi jo taswir so hai

aap ke zulm se pahle bhi KHuda shahid hai

yun hi rahti thi tabiat meri dil-gir so hai

shahr-e-ulfat ki tabahi ki nishani ai dost

dil ki thi ek hi ujDi hui tamir so hai

un se karta hun wafa is pe jo chahen so kahen

thi hamesha se yahi ek meri taqsir so hai

tha kabhi pahle na aazad na ab hun main 'jalil'

ishq ki thi jo mere pair mein zanjir so hai