aahista boliyega tamasha khaDa na ho

Sabir

aahista boliyega tamasha khaDa na ho

Sabir

MORE BYSabir

    āhista boliyegā tamāshā khaḌā na ho

    bairūn-e-ḳhvāb koī hameñ sun rahā na ho

    dīvāreñ uTh ga.ī na hoñ dasht-e-junūn meñ

    ram-ḳhurda vo ġhazāl kahīñ gum-shuda na ho

    raḳht-e-safar meñ bāñdh leñ pur-shor kuchh bhañvar

    dariyā hai pur-sukūn safar be-maza na ho

    yuuñ to vo ek aam patthar hai miil

    lekin vahāñ se aage agar rāsta na ho

    masjid pukārtī rahī hayya-alal-falāh

    jaise hamārā apnā koī falsafa na ho

    ham kaaT deñge umr zanjīr ek din

    ham-zād karb-e-dīd se shāyad rihā na ho

    ik chāñd mujh ko tāktā rahtā hai in dinoñ

    jaise sivā.e mere koī ā.īna na ho

    hañs hañs ke us se bāteñ kiye rahe ho tum

    'sābir' vo dil meñ aur kuchh sochtā na ho

    aahista boliyega tamasha khaDa na ho

    bairun-e-KHwab koi hamein sun raha na ho

    diwaren uTh gai na hon dasht-e-junun mein

    ram-KHurda wo ghazal kahin gum-shuda na ho

    raKHt-e-safar mein bandh len pur-shor kuchh bhanwar

    dariya hai pur-sukun safar be-maza na ho

    yun to wo ek aam sa patthar hai mil ka

    lekin wahan se aage agar rasta na ho

    masjid pukarti rahi hayya-alal-falah

    jaise hamara apna koi falsafa na ho

    hum kaT denge umr ki zanjir ek din

    ham-zad karb-e-did se shayad riha na ho

    ek chand mujh ko takta rahta hai in dinon

    jaise siwae mere koi aaina na ho

    hans hans ke us se baaten kiye ja rahe ho tum

    'sabir' wo dil mein aur hi kuchh sochta na ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY