aai hai aise gham mein rawani parat parat

Nabeel Ahmad Nabeel

aai hai aise gham mein rawani parat parat

Nabeel Ahmad Nabeel

MORE BYNabeel Ahmad Nabeel

    aa.ī hai aise ġham meñ ravānī parat parat

    bahne lagā hai aañkh se paanī parat parat

    bāñdhā hai jab se tere tasavvur ko sher meñ

    sheroñ ke khul rahe haiñ ma.ānī parat parat

    chhāyā rahā ho jaise buḌhāpā nafas nafas

    guzrī hai aise apnī javānī parat parat

    dil ke varaq varaq pe tirā naam sabt hai

    ik dhaḌkanoñ meñ hai jaanī parat parat

    gard-o-ġhubār ġham se aTī hai fazā fazā

    hotī thī koī rut jo suhānī parat parat

    lekin banā na qais sūrat hamārā naam

    sahrā ḳhaak ham ne bhī chhānī parat parat

    koī javāz de na sakā merī baat

    us ne ġhalat kahā hai zabānī parat parat

    yādeñ dilā rahī hai sitamgar baar baar

    mujh ko rulā rahī hai nishānī parat parat

    hāsil karūñgā jaise bhī mumkin huā use

    maiñ ne 'nabīl' dil meñ hai Thānī parat parat

    aai hai aise gham mein rawani parat parat

    bahne laga hai aankh se pani parat parat

    bandha hai jab se tere tasawwur ko sher mein

    sheron ke khul rahe hain maani parat parat

    chhaya raha ho jaise buDhapa nafas nafas

    guzri hai aise apni jawani parat parat

    dil ke waraq waraq pe tera nam sabt hai

    ek tu hi dhaDkanon mein hai jaani parat parat

    gard-o-ghubar gham se aTi hai faza faza

    hoti thi koi rut jo suhani parat parat

    lekin bana na qais ki surat hamara nam

    sahra ki KHak hum ne bhi chhani parat parat

    koi jawaz de na saka meri baat ka

    us ne ghalat kaha hai zabani parat parat

    yaaden dila rahi hai sitamgar ki bar bar

    mujh ko rula rahi hai nishani parat parat

    hasil karunga jaise bhi mumkin hua use

    main ne 'nabil' dil mein hai Thani parat parat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY