aai hai kuchh na puchh qayamat kahan kahan

Firaq Gorakhpuri

aai hai kuchh na puchh qayamat kahan kahan

Firaq Gorakhpuri

MORE BYFiraq Gorakhpuri

    aa.ī hai kuchh na pūchh qayāmat kahāñ kahāñ

    uf le ga.ī hai mujh ko mohabbat kahāñ kahāñ

    betābī-o-sukūñ huiiñ manzileñ tamām

    bahlā.eñ tujh se chhuT ke tabī.at kahāñ kahāñ

    furqat ho visāl vahī iztirāb hai

    terā asar hai ai ġham-e-furqat kahāñ kahāñ

    har jumbish-e-nigāh meñ sad-kaif be-ḳhudī

    bhartī phiregī husn niyyat kahāñ kahāñ

    rāh-e-talab meñ chhoḌ diyā dil saath bhī

    phirte liye hue ye musībat kahāñ kahāñ

    dil ke ufaq tak ab to haiñ parchhā.iyāñ tirī

    le jaa.e ab to dekh ye vahshat kahāñ kahāñ

    ai nargis-e-siyāh batā de tire nisār

    kis kis ko hai ye hosh ye ġhaflat kahāñ kahāñ

    nairañg-e-ishq hai koī intihā ki ye

    ye ġham kahāñ kahāñ ye masarrat kahāñ kahāñ

    begānagī par us zamāne se ehtirāz

    dar-parda us adā shikāyat kahāñ kahāñ

    farq aa gayā thā daur-e-hayāt-o-mamāt meñ

    aa.ī hai aaj yaad vo sūrat kahāñ kahāñ

    jaise fanā baqā meñ bhī koī kamī ho

    mujh ko paḌī hai terī zarūrat kahāñ kahāñ

    duniyā se ai dal itnī tabī.at bharī na thī

    tere liye uThā.ī nadāmat kahāñ kahāñ

    ab imtiyāz-e-ishq-o-havas bhī nahīñ rahā

    hotī hai terī chashm-e-ināyat kahāñ kahāñ

    har gaam par tarīq-e-mohabbat meñ maut thī

    is raah meñ khule dar-e-rahmat kahāñ kahāñ

    hosh-o-junūñ bhī ab to bas ik baat haiñ 'firāq'

    hotī hai us nazar sharārat kahāñ kahāñ

    aai hai kuchh na puchh qayamat kahan kahan

    uf le gai hai mujh ko mohabbat kahan kahan

    betabi-o-sukun ki huin manzilen tamam

    bahlaen tujh se chhuT ke tabiat kahan kahan

    furqat ho ya visal wahi iztirab hai

    tera asar hai ai gham-e-furqat kahan kahan

    har jumbish-e-nigah mein sad-kaif be-KHudi

    bharti phiregi husn ki niyyat kahan kahan

    rah-e-talab mein chhoD diya dil ka sath bhi

    phirte liye hue ye musibat kahan kahan

    dil ke ufaq tak ab to hain parchhaiyan teri

    le jae ab to dekh ye wahshat kahan kahan

    ai nargis-e-siyah bata de tere nisar

    kis kis ko hai ye hosh ye ghaflat kahan kahan

    nairang-e-ishq ki hai koi intiha ki ye

    ye gham kahan kahan ye masarrat kahan kahan

    beganagi par us ki zamane se ehtiraaz

    dar-parda us ada ki shikayat kahan kahan

    farq aa gaya tha daur-e-hayat-o-mamat mein

    aai hai aaj yaad wo surat kahan kahan

    jaise fana baqa mein bhi koi kami si ho

    mujh ko paDi hai teri zarurat kahan kahan

    duniya se ai dal itni tabiat bhari na thi

    tere liye uThai nadamat kahan kahan

    ab imtiyaz-e-ishq-o-hawas bhi nahin raha

    hoti hai teri chashm-e-inayat kahan kahan

    har gam par tariq-e-mohabbat mein maut thi

    is rah mein khule dar-e-rahmat kahan kahan

    hosh-o-junun bhi ab to bas ek baat hain 'firaq'

    hoti hai us nazar ki shararat kahan kahan

    RECITATIONS

    Khalid Mubashshir

    Khalid Mubashshir

    Khalid Mubashshir

    aai hai kuchh na puchh qayamat kahan kahan Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY