آئینۂ جہان کا چہرہ نزار ہے

آئینۂ جہان کا چہرہ نزار ہے

ہر عکس کہہ رہا ہے کہ ہر پھول خار ہے

کب کس کے اختیار میں آ جاؤں کیا پتہ

ہر سانس میرے ہونے کی مجھ پر ادھار ہے

گل کو چراغ جان کے تیلی دکھائی تھی

شعلوں کا رقص اب مری آنکھوں پہ بار ہے

جانے ہے کس عذاب سے گزری یہ زندگی

بکھری ہوئی ہے زلف گریبان تار ہے

اک راہ وار عشق کے جانے پہ آنکھ میں

اب گرد بیٹھتی نہیں ہر دم غبار ہے

پربت کی راکھ سرمہ سمجھتی رہی دعاؔ

پلکوں پہ اب جما ہوا گرد و غبار ہے