aaine se guzarne wala tha

aa.ine se guzarne vaalā thā

aks-e-hastī bikharne vaalā thā

lafz tartīb de rahā thā maiñ

sher mujh par utarne vaalā thā

dost tasvīr to parā.ī thī

maiñ to bas rañg bharne vaalā thā

ham bhī kyā us ke saath mar jaate

marne vaalā to marne vaalā thā

phir achānak badal gayā manzar

maiñ jise naqsh karne vaalā thā

phir mujhe sāmne se haTnā paḌā

aa.ina mujh se Darne vaalā thā

vo to nāḳhun ne mehrbānī kī

varna ye zaḳhm bharne vaalā thā

phuul thā shāḳh kī hathelī par

aur havā meñ bikharne vaalā thā

ab ki sūraj thā ishtihā merī

maiñ vahāñ paañv dharne vaalā thā

tum ne dekhā thā kitnā sharminda

mujh pe tanqīd karne vaalā thā

tishnagī thī uruuj par apnī

aur dariyā utarne vaalā thā

hādisa ain us jagah pe huā

maiñ jahāñ se guzarne vaalā thā

'zeb' āñkheñ nā band kartā agar

ḳhauf andar utarne vaalā thā

aaine se guzarne wala tha

aks-e-hasti bikharne wala tha

lafz tartib de raha tha main

sher mujh par utarne wala tha

dost taswir to parai thi

main to bas rang bharne wala tha

hum bhi kya us ke sath mar jate

marne wala to marne wala tha

phir achanak badal gaya manzar

main jise naqsh karne wala tha

phir mujhe samne se haTna paDa

aaina mujh se Darne wala tha

wo to naKHun ne mehrbani ki

warna ye zaKHm bharne wala tha

phul tha shaKH ki hatheli par

aur hawa mein bikharne wala tha

ab ki suraj tha ishtiha meri

main wahan panw dharne wala tha

tum ne dekha tha kitna sharminda

mujh pe tanqid karne wala tha

tishnagi thi uruj par apni

aur dariya utarne wala tha

hadisa ain us jagah pe hua

main jahan se guzarne wala tha

'zeb' aankhen na band karta agar

KHauf andar utarne wala tha