aaj bhi hum apne begane ko pahchane kahan

aaj bhī ham apne begāne ko pahchāne kahāñ

sab vahī rahbar haiñ phir ab chhoḌ deñ jaane kahāñ

tum se dānish-var kahāñ aur ham se dīvāne kahāñ

maḳhmalī talvoñ ko raas ā.eñge vīrāne kahāñ

samt hī koī muqarrar hai na manzil kā pata

jā ke Thahre qāfila apnā ḳhudā jaane kahāñ

aap kaise mehrbāñ ho kar yahāñ tak aa ga.e

is tarah aatā hai koī phuul barsāne kahāñ

shahr jo luuTe ga.e hoñ un kā manzar dekhiye

ḳhaufnāk itne bhalā hote haiñ vīrāne kahāñ

har taraf to zikr thā us ke lab-o-ruḳhsār kā

log sunte merī barbādī ke afsāne kahāñ

har taraf 'shādāñ' nazar aate haiñ chehre ajnabī

ham nikal kar ghar se jaa.eñ Thokareñ khāne kahāñ

aaj bhi hum apne begane ko pahchane kahan

sab wahi rahbar hain phir ab chhoD den jaane kahan

tum se danish-war kahan aur hum se diwane kahan

maKHmali talwon ko ras aaenge virane kahan

samt hi koi muqarrar hai na manzil ka pata

ja ke Thahre qafila apna KHuda jaane kahan

aap kaise mehrban ho kar yahan tak aa gae

is tarah aata hai koi phul barsane kahan

shahr jo luTe gae hon un ka manzar dekhiye

KHaufnak itne bhala hote hain virane kahan

har taraf to zikr tha us ke lab-o-ruKHsar ka

log sunte meri barbaadi ke afsane kahan

har taraf 'shadan' nazar aate hain chehre ajnabi

hum nikal kar ghar se jaen Thokaren khane kahan