aaj ek lahr bhi pani mein na thi

Rajinder Manchanda Bani

aaj ek lahr bhi pani mein na thi

Rajinder Manchanda Bani

MORE BY Rajinder Manchanda Bani

    aaj ik lahr bhī paanī meñ na thī

    koī tasvīr ravānī meñ na thī

    valvala misra-e-avval meñ na thā

    harakat misra-e-sānī meñ na thī

    koī āhañg na alfāz meñ thā

    kaifiyat koī ma.ānī meñ na thī

    ḳhuuñ nam sāda-navā.ī meñ na thā

    ḳhuuñ shoḳh-bayānī meñ na thī

    koī mafhūm tasavvur meñ na thā

    koī bhī baat kahānī meñ na thī

    rañg ab koī ḳhalāoñ meñ na thā

    koī pahchān nishānī meñ na thī

    ḳhush-yaqīnī meñ na thā ab koī nuur

    zau koī ḳhanda-gumānī meñ na thī

    sulagne dhuāñ ḳhat meñ na thā

    raushnī harf-e-zabānī meñ na thī

    rañj bhūle hue va.ade na thā

    lazzat ab yād-dahānī meñ na thī

    lo ki jāmid ġhazal bhī likh

    aaj kuchh zindagī 'bānī' meñ na thī

    aaj ek lahr bhi pani mein na thi

    koi taswir rawani mein na thi

    walwala misra-e-awwal mein na tha

    harakat misra-e-sani mein na thi

    koi aahang na alfaz mein tha

    kaifiyat koi maani mein na thi

    KHun ka nam sada-nawai mein na tha

    KHun ki bu shoKH-bayani mein na thi

    koi mafhum tasawwur mein na tha

    koi bhi baat kahani mein na thi

    rang ab koi KHalaon mein na tha

    koi pahchan nishani mein na thi

    KHush-yaqini mein na tha ab koi nur

    zau koi KHanda-gumani mein na thi

    ji sulagne ka dhuan KHat mein na tha

    raushni harf-e-zabani mein na thi

    ranj bhule hue wade ka na tha

    lazzat ab yaad-dahani mein na thi

    lo ki jamid si ghazal bhi likh di

    aaj kuchh zindagi 'bani' mein na thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites