آج کی رات یاد آئے گی
آج کی رات یاد آئے گی
ایک اک بات یاد آئے گی
چاندنی میں بہم نیاز و ناز
یہ ملاقات یاد آئے گی
چند لمحوں کی صحبت رنگیں
اکثر اوقات یاد آئے گی
عشق کو اپنی سادگی کے ساتھ
حسن کی گھات یاد آئے گی
دل کی ہر بوند بن گئی چھالا
اب کے برسات یاد آئے گی
ان سے ذکر وفا جو چل نکلا
بات پر بات یاد آئے گی
صبح رفتہ میں بھی ادیبؔ ہمیں
شام نغمات یاد آئے گی
مأخذ:
تبسم (Pg. 180)
- مصنف: ادیب مالیگانوی
-
- ناشر: حکیم رازی ادیبی اشرفی
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
