aaj phir dhup ki shiddat ne baDa kaam kiya

Ambar Bahraichi

aaj phir dhup ki shiddat ne baDa kaam kiya

Ambar Bahraichi

MORE BY Ambar Bahraichi

    aaj phir dhuup shiddat ne baḌā kaam kiyā

    ham ne is dasht ko lamhoñ meñ kañval-fām kiyā

    mere hujre ko bhī tash.hīr milī us ke sabab

    aur āñdhī ne bhī is baar bahut naam kiyā

    roz ham jaltī huī ret pe chalte na the

    ham ne saa.e meñ khajūroñ ke bhī ārām kiyā

    dil bāñhoñ meñ sajāte rahe aahoñ dhanak

    zehn ko ham ne rah-e-ishq meñ gum-nām kiyā

    shahr meñ rah ke ye jañgal adā bhuul ga.e

    ham ne in shoḳh ġhazāloñ ko abas raam kiyā

    apne pairoñ meñ bhī bijlī adā.eñ thiiñ magar

    dekh kar tūr-e-jahāñ ḳhud ko subuk-gām kiyā

    shāh-rāhoñ pe hamīñ to nahīñ maslūb hue

    qatl-e-mahtāb ne ḳhud ko bhī lab-e-bām kiyā

    jaane kyā soch ke phir in ko rihā.ī de

    ham ne ab ke bhī parindoñ ko tah-e-dām kiyā

    ḳhatm ho ye kaḌī dhuup bhī 'amabar' dekho

    ek kohsār ko mausam ne gul-andām kiyā

    aaj phir dhup ki shiddat ne baDa kaam kiya

    hum ne is dasht ko lamhon mein kanwal-fam kiya

    mere hujre ko bhi tashhir mili us ke sabab

    aur aandhi ne bhi is bar bahut nam kiya

    roz hum jalti hui ret pe chalte hi na the

    hum ne sae mein khajuron ke bhi aaram kiya

    dil ki banhon mein sajate rahe aahon ki dhanak

    zehn ko hum ne rah-e-ishq mein gum-nam kiya

    shahr mein rah ke ye jangal ki ada bhul gae

    hum ne in shoKH ghazalon ko abas ram kiya

    apne pairon mein bhi bijli ki adaen thin magar

    dekh kar tur-e-jahan KHud ko subuk-gam kiya

    shah-rahon pe hamin to nahin maslub hue

    qatl-e-mahtab ne KHud ko bhi lab-e-baam kiya

    jaane kya soch ke phir in ko rihai de di

    hum ne ab ke bhi parindon ko tah-e-dam kiya

    KHatm ho gi ye kaDi dhup bhi 'amabar' dekho

    ek kohsar ko mausam ne gul-andam kiya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites