آج قابو میں یہ مزاج نہیں
آج قابو میں یہ مزاج نہیں
بے خودی کا کوئی علاج نہیں
وقت آخر ہے میرا جاؤ طبیب
اب دوا کی تو احتیاج نہیں
عہد میں میرے شاہ خوباں کے
ستم و ظلم کا رواج نہیں
مجھ کو دکھلا دو روئے غوث خدا
اور کوئی مرا علاج نہیں
کم نہیں فقر بادشاہی سے
کچھ تمنائے تخت و تاج نہیں
شاہ خوباں کے واسطے ہرگز
غیر از دل کوئی خراج نہیں
ہفت اقلیم نذر شہ کرتے
اے جمیلہؔ ہمارا راج نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.