آخرش دور ہو ہی جاتے ہیں
آخرش دور ہو ہی جاتے ہیں
میرے دل کو جو لوگ بھاتے ہیں
لوٹ کر میکدے سے دیوانے
تیری آنکھوں میں ڈوب جاتے ہیں
ہم سے وعدہ بھی اک نہیں ٹوٹا
لوگ تو تارے توڑ لاتے ہیں
مجھ سے کمزور پر ستم کر کے
لوگ قسمت کو آزماتے ہیں
میرے حصہ میں کچھ نہیں سوہلؔ
میرے حصہ کا لوگ کھاتے ہیں
روز دریا میں ڈال کر ماچس
اپنے گھر کو میاں بچاتے ہیں
ہم بھی راتوں کو جاگ کر سوہلؔ
میرؔ کے شعر گنگناتے ہیں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
