آخری بار آہ کر لی ہے

جون ایلیا

آخری بار آہ کر لی ہے

جون ایلیا

MORE BYجون ایلیا

    آخری بار آہ کر لی ہے

    میں نے خود سے نباہ کر لی ہے

    اپنے سر اک بلا تو لینی تھی

    میں نے وہ زلف اپنے سر لی ہے

    دن بھلا کس طرح گزارو گے

    وصل کی شب بھی اب گزر لی ہے

    جاں نثاروں پہ وار کیا کرنا

    میں نے بس ہاتھ میں سپر لی ہے

    جو بھی مانگو ادھار دوں گا میں

    اس گلی میں دکان کر لی ہے

    میرا کشکول کب سے خالی تھا

    میں نے اس میں شراب بھر لی ہے

    اور تو کچھ نہیں کیا میں نے

    اپنی حالت تباہ کر لی ہے

    شیخ آیا تھا محتسب کو لیے

    میں نے بھی ان کی وہ خبر لی ہے

    ویڈیو
    This video is playing from YouTube

    Videos
    This video is playing from YouTube

    نازش

    نازش

    مأخذ :
    • کتاب : lekin, (Pg. 79)

    موضوعات :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY