aalam-e-wahshat-e-tanhai hai kuchh aur nahin
ālam-e-vahshat-e-tanhā.ī hai kuchh aur nahīñ
sar pe ik gumbad-e-mīnā.ī hai kuchh aur nahīñ
kyuuñ huā mujh ko ināyat kī nazar kā saudā
aaj rusvā.ī hī rusvā.ī hai kuchh aur nahīñ
apnā ghar phūñk chukā apnā vatan chhoḌ chukā
ye faqat bādiya-paimā.ī hai kuchh aur nahīñ
ho sake to koī fardā kī banā lo tasvīr
vaqt jalvoñ kā tamannā.ī hai kuchh aur nahīñ
aao ḳhush ho ke piyo kuchh na kaho vaa.iz ko
mai-kade meñ vo tamāshā.ī hai kuchh aur nahīñ
aalam-e-wahshat-e-tanhai hai kuchh aur nahin
sar pe ek gumbad-e-minai hai kuchh aur nahin
kyun hua mujh ko inayat ki nazar ka sauda
aaj ruswai hi ruswai hai kuchh aur nahin
apna ghar phunk chuka apna watan chhoD chuka
ye faqat baadiya-paimai hai kuchh aur nahin
ho sake to koi farda ki bana lo taswir
waqt jalwon ka tamannai hai kuchh aur nahin
aao KHush ho ke piyo kuchh na kaho waiz ko
mai-kade mein wo tamashai hai kuchh aur nahin
Source:
Lahu Ke Charagh (Pg. 107)
- Author: Anjum Azmi
-
- Edition: 1961
- Publisher: Karachi Art Academy, Karachi
- Year of Publication: 1961
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
