aalam hai be-KHudi ka mai ki dukan par hain

'ālam hai be-ḳhudī kā mai kī dukān par haiñ

saaqī pe haiñ nigāheñ hosh āsmān par haiñ

dil apnī zid pe qaa.im vo apnī aan par haiñ

jitnī musībateñ haiñ sab merī jaan par haiñ

duniyā badal ga.ī hai vo haiñ hamīñ ki ab tak

apne maqām par haiñ apne makān par haiñ

ye sūrateñ tumhārī ye naaz ye adā.eñ

qurbān ai buto ham ḳhāliq kī shaan par haiñ

shukr-e-ḳhudā ki un ke qadmoñ pe sar hai apnā

is vaqt kuchh na pūchho ham āsmān par haiñ

ab tak samajh rahe haiñ dil meñ mujhe musalmāñ

qaa.im hunūz ye but apne gumān par haiñ

uslūb-e-nazm-e-'akbar' fitrat se hai qarīñ-tar

alfāz haiñ mahal par mā'nī makān par haiñ

'alam hai be-KHudi ka mai ki dukan par hain

saqi pe hain nigahen hosh aasman par hain

dil apni zid pe qaim wo apni aan par hain

jitni musibaten hain sab meri jaan par hain

duniya badal gai hai wo hain hamin ki ab tak

apne maqam par hain apne makan par hain

ye suraten tumhaari ye naz ye adaen

qurban ai buto hum KHaliq ki shan par hain

shukr-e-KHuda ki un ke qadmon pe sar hai apna

is waqt kuchh na puchho hum aasman par hain

ab tak samajh rahe hain dil mein mujhe musalman

qaim hunuz ye but apne guman par hain

uslub-e-nazm-e-'akbar' fitrat se hai qarin-tar

alfaz hain mahal par ma'ni makan par hain