aane wale hadson ke KHauf se sahme hue

Azad Gulati

aane wale hadson ke KHauf se sahme hue

Azad Gulati

MORE BYAzad Gulati

    aane vaale hādsoñ ke ḳhauf se sahme hue

    log phirte haiñ ki jaise ḳhvāb hoñ TuuTe hue

    sub.h dekhā to na thā kuchh paas uljhan ke sivā

    raat ham baiThe rahe kis soch meñ Duube hue

    apne dukh meñ Duub kar vus.at milī kaisī hamīñ

    haiñ zamīñ se āsmāñ tak ham ham phaile hue

    aaj ā.īne meñ ḳhud ko dekh kar yaad aa gayā

    ek muddat ho ga.ī jis shaḳhs ko dekhe hue

    jism dīvār gir jaa.e to kuchh ehsās ho

    apne andar ham paḌe haiñ kis qadar simTe hue

    kis se pūchheñ rāt-bhar apne bhaTakne sabab

    sab yahāñ milte haiñ jaise niiñd meñ jaage hue

    is nagar ke jagmagāte rāstoñ par ghuum kar

    ham chale aa.e ġhamoñ dhuul meñ lipTe hue

    jin ko ai 'āzād' baḳhshī thī mahak ham ne kabhī

    ab vahī raste hamāre vāste kāñTe hue

    aane wale hadson ke KHauf se sahme hue

    log phirte hain ki jaise KHwab hon TuTe hue

    subh dekha to na tha kuchh pas uljhan ke siwa

    raat hum baiThe rahe kis soch mein Dube hue

    apne dukh mein Dub kar wusat mili kaisi hamin

    hain zamin se aasman tak hum hi hum phaile hue

    aaj aaine mein KHud ko dekh kar yaad aa gaya

    ek muddat ho gai jis shaKHs ko dekhe hue

    jism ki diwar gir jae to kuchh ehsas ho

    apne andar hum paDe hain kis qadar simTe hue

    kis se puchhen raat-bhar apne bhaTakne ka sabab

    sab yahan milte hain jaise nind mein jage hue

    is nagar ke jagmagate raston par ghum kar

    hum chale aae ghamon ki dhul mein lipTe hue

    jin ko ai 'azad' baKHshi thi mahak hum ne kabhi

    ab wahi raste hamare waste kanTe hue

    Source :
    • Book : Dasht-e-Sada (Pg. 27)
    • Author : Azad Gulati
    • Publication : Friends Book Emporium, Nabh, Punjab (1975)
    • Edition : 1976
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY