aankh jo ishwa-e-pur-kar liye phirti hai
aañkh jo ishva-e-pur-kār liye phirtī hai
muzhda-e-tāle-e-bedār liye phirtī hai
naam se daad bhī miltī hai suḳhan ko aksar
charḳh par shohrat-e-fankār liye phirtī hai
ḳhaak se phuul nikalte haiñ mahaktā hai chaman
kyā zamīñ tabla-e-attār liye phirtī hai
koī mahfil bhī nahīñ jo na ho tā.īd-talab
dar-ba-dar jur.at-e-inkār liye phirtī hai
ban ga.ī parda-nashīñ khīñch ke palkoñ ke hisār
ham ko lekin nigah-e-yār liye phirtī hai
pheñk kar ḳhaak meñ aqdār ko tahqīr ke saath
zindagī dirham-o-dīnār liye phirtī hai
aankh jo ishwa-e-pur-kar liye phirti hai
muzhda-e-tale-e-bedar liye phirti hai
nam se dad bhi milti hai suKHan ko aksar
charKH par shohrat-e-fankar liye phirti hai
KHak se phul nikalte hain mahakta hai chaman
kya zamin tabla-e-attar liye phirti hai
koi mahfil bhi nahin jo na ho taid-talab
dar-ba-dar jurat-e-inkar liye phirti hai
ban gai parda-nashin khinch ke palkon ke hisar
hum ko lekin nigah-e-yar liye phirti hai
phenk kar KHak mein aqdar ko tahqir ke sath
zindagi dirham-o-dinar liye phirti hai
Source:
Lamhaat (Pg. 171)
- Author: Syed Hamid
-
- Edition: 1987
- Publisher: Taj Compnay, Delhi
- Year of Publication: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
