aankhen hi ujaD jaen to kya KHwab sajaen

āñkheñ hī ujaḌ jaa.eñ to kyā ḳhvāb sajā.eñ

nazroñ se utar jaa.e to kyā dil meñ basā.eñ

cīḳho yahāñ iz.hār kā isbāt yahī hai

āvāz kī qātil haiñ ye pur-shor fazā.eñ

is mahshar-e-idrāk meñ ik lamha atā kar

ishrat-gah-e-ehsās meñ ham bhī utar aa.eñ

jismoñ ke bulāve meñ giraftār hai sahrā

aur lams kī āvāz meñ mahbūs ghaTā.eñ

be-rañg thiraktī huī titlī ko kisī din

kuchh rañg bhareñ aañkh ke pyāle meñ girā.eñ

sahrā meñ khaḌe log isī soch meñ gum haiñ

aage jo baḌhe koī to ham dauḌ ke jā leñ

aankhen hi ujaD jaen to kya KHwab sajaen

nazron se utar jae to kya dil mein basaen

ciKHo yahan izhaar ka isbaat yahi hai

aawaz ki qatil hain ye pur-shor fazaen

is mahshar-e-idrak mein ek lamha ata kar

ishrat-gah-e-ehsas mein hum bhi utar aaen

jismon ke bulawe mein giraftar hai sahra

aur lams ki aawaz mein mahbus ghaTaen

be-rang thirakti hui titli ko kisi din

kuchh rang bharen aankh ke pyale mein giraen

sahra mein khaDe log isi soch mein gum hain

aage jo baDhe koi to hum dauD ke ja len