aankhon ke iztirab se aise jhaDe hain KHwab

Nabeel Ahmad Nabeel

aankhon ke iztirab se aise jhaDe hain KHwab

Nabeel Ahmad Nabeel

MORE BYNabeel Ahmad Nabeel

    āñkhoñ ke iztirāb se aise jhaḌe haiñ ḳhvāb

    shab ke shajar pe niiñd sūrat paḌe haiñ ḳhvāb

    aatī nahīñ hai niiñd mujhe is liye bhī dost

    āñkhoñ putliyoñ meñ hazāroñ jhaḌe haiñ ḳhvāb

    niklā na phir bhī koī natīja bahār

    ta.abīr se agarche bahut laḌe haiñ ḳhvāb

    jab bhī chalā huuñ niiñd ke raste pe yuuñ lagā

    hāthoñ ko joḌ kar mire aage khaḌe haiñ ḳhvāb

    dil se ġhamoñ is liye chhālā na sakā

    kāñToñ misl chashm-e-talab meñ aḌe haiñ ḳhvāb

    tujh ko kahāñ ḳhabar hai ki kaise haiñ ratjage

    tujh ko kahāñ ḳhabar hai ki kitne kaḌe haiñ ḳhvāb

    is baar bhī yahāñ ḳhas-o-ḳhāshāk tarah

    āñkhoñ meñ jis qadar the vo saare saḌe haiñ ḳhvāb

    aayā nahīñ 'nabīl' palaT ke vo ek shaḳhs

    ranjīda is liye bhī hamāre baḌe haiñ ḳhvāb

    aankhon ke iztirab se aise jhaDe hain KHwab

    shab ke shajar pe nind ki surat paDe hain KHwab

    aati nahin hai nind mujhe is liye bhi dost

    aankhon ki putliyon mein hazaron jhaDe hain KHwab

    nikla na phir bhi koi natija bahaar ka

    tabir se agarche bahut hi laDe hain KHwab

    jab bhi chala hun nind ke raste pe yun laga

    hathon ko joD kar mere aage khaDe hain KHwab

    dil se ghamon ka is liye chhaala na ja saka

    kanTon ki misl chashm-e-talab mein aDe hain KHwab

    tujh ko kahan KHabar hai ki kaise hain ratjage

    tujh ko kahan KHabar hai ki kitne kaDe hain KHwab

    is bar bhi yahan KHas-o-KHashak ki tarah

    aankhon mein jis qadar the wo sare saDe hain KHwab

    aaya nahin 'nabil' palaT ke wo ek shaKHs

    ranjida is liye bhi hamare baDe hain KHwab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY