آنکھوں کو اشک بار کیا کیا برا کیا
آنکھوں کو اشک بار کیا کیا برا کیا
یوں غم کو آشکار کیا کیا برا کیا
اک عمر انتظار کیا کیا برا کیا
وعدے کا اعتبار کیا کیا برا کیا
جب وصل یار زیست کا عنواں نہ بن سکا
غم کو گلے کا ہار کیا کیا برا کیا
صحن چمن میں دھوم ہے فصل بہار کی
دامن کو تار تار کیا کیا برا کیا
عیش و نشاط سے رہے محروم عمر بھر
تنہائیوں سے پیار کیا کیا برا کیا
ہم نے کسی کے حسن تبسم کو دیکھ کر
قلب و جگر نثار کیا کیا برا کیا
دل لوٹنے کے بعد نظرؔ کہہ رہے ہیں وہ
ہاں ہم نے بے قرار کیا کیا برا کیا
مأخذ:
Mata-e-Nazar (Pg. 71)
- مصنف: نظر برنی
-
- اشاعت: 1969
- ناشر: مکتبہ ناز برن، جامعہ نگر، نئی دہلی
- سن اشاعت: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
