aankhon mein aaj aansu phir DabDaba rahe hain

Siraj Lakhnavi

aankhon mein aaj aansu phir DabDaba rahe hain

Siraj Lakhnavi

MORE BYSiraj Lakhnavi

    āñkhoñ meñ aaj aañsū phir DabDabā rahe haiñ

    ham kal āstīneñ ab tak sukhā rahe haiñ

    ehsāñ jatā jatā kar nashtar lagā rahe haiñ

    merī kahāniyāñ sab mujh ko sunā rahe haiñ

    aañsū ġham-o-ḳhushī ke jalve dikhā rahe haiñ

    kuchh jagmagā rahe haiñ kuchh jhilmilā rahe haiñ

    saaqī ke rūThne par rindoñ meñ barhamī hai

    sāġhar se aaj sāġhar Takrā.e rahe haiñ

    ab chāhe shakl-e-fardā jitnī hasīn-tar ho

    jo din guzar ga.e haiñ vo yaad aa rahe haiñ

    himmat na haar denā ai hasrat-e-nazāra

    ik āftāb se ham āñkheñ laḌā rahe haiñ

    vahshī haiñ kis ke kitnā suthrā mazāq ġham hai

    shabnam se āñsuoñ ke qatre milā rahe haiñ

    āñkhoñ par apnī rakh kar sāhil āstīñ ko

    ham dil ke Dūbne par aañsū bahā rahe haiñ

    khultā 'sirāj' kuchh to ye raaz zindagī

    ye har nafas meñ kis ke paiġhām aa rahe haiñ

    aankhon mein aaj aansu phir DabDaba rahe hain

    hum kal ki aastinen ab tak sukha rahe hain

    ehsan jata jata kar nashtar laga rahe hain

    meri kahaniyan sab mujh ko suna rahe hain

    aansu gham-o-KHushi ke jalwe dikha rahe hain

    kuchh jagmaga rahe hain kuchh jhilmila rahe hain

    saqi ke ruThne par rindon mein barhami hai

    saghar se aaj saghar Takrae ja rahe hain

    ab chahe shakl-e-farda jitni hasin-tar ho

    jo din guzar gae hain wo yaad aa rahe hain

    himmat na haar dena ai hasrat-e-nazara

    ek aaftab se hum aankhen laDa rahe hain

    wahshi hain kis ke kitna suthra mazaq gham hai

    shabnam se aansuon ke qatre mila rahe hain

    aankhon par apni rakh kar sahil ki aastin ko

    hum dil ke Dubne par aansu baha rahe hain

    khulta 'siraj' kuchh to ye raaz zindagi ka

    ye har nafas mein kis ke paigham aa rahe hain

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY