aankhon mein agar aap ki surat nahin hoti
āñkhoñ meñ agar aap kī sūrat nahīñ hotī
is dil meñ mohabbat kisī sūrat nahīñ hotī
jab tak pas-e-parda vo chhupe baiThe raheñge
kuchh bhī yahāñ ho jaa.e qayāmat nahīñ hotī
dekhe jo tujhe log to samjhe mire ash.ār
lafzoñ se to sheroñ kī vazāhat nahīñ hotī
kyā aur koī kaam kare chhoḌiye sāhab
bekārī se duniyā meñ farāġhat nahīñ hotī
shahroñ ke tasavvur se bhī ghabrāne lagā dil
sahrā meñ chale jaao to vahshat nahīñ hotī
us umr meñ baḌh jaate haiñ mehnat ke taqāze
jis umr meñ insān se mehnat nahīñ hotī
hotī thī har ek baat pe hairat mujhe pahle
ab mujh ko kisī baat pe hairat nahīñ hotī
barbād 'abad' ham ko muravvat ne kiyā hai
sab hotā jo āñkhoñ meñ muravvat nahīñ hotī
aankhon mein agar aap ki surat nahin hoti
is dil mein mohabbat kisi surat nahin hoti
jab tak pas-e-parda wo chhupe baiThe rahenge
kuchh bhi yahan ho jae qayamat nahin hoti
dekhe jo tujhe log to samjhe mere ashaar
lafzon se to sheron ki wazahat nahin hoti
kya aur koi kaam kare chhoDiye sahab
bekari se duniya mein faraghat nahin hoti
shahron ke tasawwur se bhi ghabrane laga dil
sahra mein chale jao to wahshat nahin hoti
us umr mein baDh jate hain mehnat ke taqaze
jis umr mein insan se mehnat nahin hoti
hoti thi har ek baat pe hairat mujhe pahle
ab mujh ko kisi baat pe hairat nahin hoti
barbaad 'abad' hum ko murawwat ne kiya hai
sab hota jo aankhon mein murawwat nahin hoti
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.