aankhon mein dhup dil mein hararat lahu ki thi

āñkhoñ meñ dhuup dil meñ harārat lahū kī thī

ātish javān thā to qayāmat lahū kī thī

zaḳhmī huā badan to vatan yaad aa gayā

apnī girah meñ ek rivāyat lahū kī thī

ḳhanjar chalā ke mujh pe bahut ġham-zada huā

bhaa.ī ke har sulūk meñ shiddat lahū kī thī

koh-e-girāñ ke sāmne teshe kī kyā bisāt

ahd-e-junūñ meñ saarī sharārat lahū kī thī

ruḳhsār o chashm-o-lab gul o sahbā shafaq hinā

duniyā-e-rang-o-bū meñ tijārat lahū kī thī

'ḳhālid' har ek ġham meñ barābar sharīk thā

saare jahāñ ke biich rifāqat lahū kī thī

aankhon mein dhup dil mein hararat lahu ki thi

aatish jawan tha to qayamat lahu ki thi

zaKHmi hua badan to watan yaad aa gaya

apni girah mein ek riwayat lahu ki thi

KHanjar chala ke mujh pe bahut gham-zada hua

bhai ke har suluk mein shiddat lahu ki thi

koh-e-giran ke samne teshe ki kya bisat

ahd-e-junun mein sari shararat lahu ki thi

ruKHsar o chashm-o-lab gul o sahba shafaq hina

duniya-e-rang-o-bu mein tijarat lahu ki thi

'KHalid' har ek gham mein barabar sharik tha

sare jahan ke bich rifaqat lahu ki thi