aao hum tum ishq ke izhaar ki baaten karen

aao ham tum ishq ke iz.hār kī bāteñ kareñ

Daal kar bāñhoñ meñ bāheñ pyaar kī bāteñ kareñ

phuul kī bāteñ kareñ gulzār kī bāteñ kareñ

pyaar kī bāteñ kareñ bas pyaar kī bāteñ kareñ

baat ham donoñ ko ye to sochnī hī chāhiye

pyaar ke mausam meñ kyuuñ takrār kī bāteñ kareñ

is se achchhī baat koī aur ho saktī nahīñ

yaar kā afsāna chheḌeñ yaar kī bāteñ kareñ

kaash bachpan luuT aa.e aur ham sab baiTh kar

kachchī miTTī ke dar-o-dīvār kī bāteñ kareñ

shukriya bazāriyat kī raushnī kā shukriya

gaañv kī pagDañDiyāñ bāzār kī bāteñ kareñ

ka.aba-o-kāshī ke qisse ho chuke ab bas karo

aao 'qaisar' naqsh-e-pā-e-yār kī bāteñ kareñ

aao hum tum ishq ke izhaar ki baaten karen

Dal kar banhon mein bahen pyar ki baaten karen

phul ki baaten karen gulzar ki baaten karen

pyar ki baaten karen bas pyar ki baaten karen

baat hum donon ko ye to sochni hi chahiye

pyar ke mausam mein kyun takrar ki baaten karen

is se achchhi baat koi aur ho sakti nahin

yar ka afsana chheDen yar ki baaten karen

kash bachpan luT aae aur hum sab baiTh kar

kachchi miTTi ke dar-o-diwar ki baaten karen

shukriya bazariyat ki raushni ka shukriya

ganw ki pagDanDiyan bazar ki baaten karen

kaba-o-kashi ke qisse ho chuke ab bas karo

aao 'qaisar' naqsh-e-pa-e-yar ki baaten karen