aao tum hi karo masihai

Obaidullah Aleem

aao tum hi karo masihai

Obaidullah Aleem

MORE BYObaidullah Aleem

    aao tum karo masīhā.ī

    ab bahaltī nahīñ hai tanhā.ī

    tum ga.e the to saath le jaate

    ab ye kis kaam hai bīnā.ī

    ham ki the lazzat-e-hayāt meñ gum

    jaañ se ik mauj-e-tishnagī aa.ī

    ham-safar ḳhush na ho mohabbat se

    jaane ham kis ke hoñ tamannā.ī

    koī dīvāna kahtā jaatā thā

    zindagī ye nahīñ mire bhaa.ī

    avval-e-ishq meñ ḳhabar bhī na thī

    izzateñ baḳhshtī hai rusvā.ī

    kaise paao mujhe jo tum dekho

    sat.h-e-sāhil se merī gahrā.ī

    jin meñ ham khel kar javān hue

    vahī galiyāñ huiiñ tamāshā.ī

    aao tum hi karo masihai

    ab bahalti nahin hai tanhai

    tum gae the to sath le jate

    ab ye kis kaam ki hai binai

    hum ki the lazzat-e-hayat mein gum

    jaan se ek mauj-e-tishnagi aai

    ham-safar KHush na ho mohabbat se

    jaane hum kis ke hon tamannai

    koi diwana kahta jata tha

    zindagi ye nahin mere bhai

    awwal-e-ishq mein KHabar bhi na thi

    izzaten baKHshti hai ruswai

    kaise pao mujhe jo tum dekho

    sath-e-sahil se meri gahrai

    jin mein hum khel kar jawan hue

    wahi galiyan huin tamashai

    Videos
    This video is playing from YouTube

    Videos
    This video is playing from YouTube

    Obaidullah Aleem

    Obaidullah Aleem

    Source :
    • Book : Chand Chehra Sitara Aankhen (Pg. 127)

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY