آپ جو کچھ قرار کرتے ہیں

قائم چاندپوری

آپ جو کچھ قرار کرتے ہیں

قائم چاندپوری

MORE BYقائم چاندپوری

    آپ جو کچھ قرار کرتے ہیں

    کہئے ہم اعتبار کرتے ہیں

    یہ کہ یاں میں ہوں وائے ان کا حال

    مجھ پہ جو افتخار کرتے ہیں

    پر فرشتے کے اس جگہ جل جائیں

    جس طرف ہم گزار کرتے ہیں

    گو کہن دام ہیں ہم اے صیاد

    لیک عنقا شکار کرتے ہیں

    سی تو لینے دو جیب ناصح کو

    اب کی ہم تار تار کرتے ہیں

    دل کی دل جانے ہم تو اپنا کام

    اب کے کھیوے میں پار کرتے ہیں

    گر رہا ہے رواق وہم غافل

    فکر نقش و نگار کرتے ہیں

    سر گیا نامہ بر کا واں اے وائے

    یاں قدم ہم شمار کرتے ہیں

    دل تہی کیا کرے ہے تیں پہلو

    ہم تو آپ ہی کنار کرتے ہیں

    چلئے قائم کہ رفتگاں اپنا

    دیر سے انتظار کرتے ہیں

    مآخذ :
    • Deewan-e-Qaem Chandpuri (Rekhta Website)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY