aap ke shahr mein kab meri taraf tha koi
aap ke shahr meñ kab merī taraf thā koī
ye bhī kyā hijr-guzārī kā sharaf thā koī
mere dushman ne ḳhabar dī ki bachāo sar ko
mere apnoñ meñ kahīñ sang-ba-kaf thā koī
us ke iḳhlās kī baḌhtī huī shohrat yā'nī
vaqt ke haath meñ bajtā huā daf thā koī
vo jo dariyā meñ samāyā to na vāpas aaya
raaz ye thā ki tah-e-āb sadaf thā koī
aaj āñkhoñ kā bhaTaknā mirā hissa hai 'azīm'
kal to āvāra-nigāhī kā hadaf thā koī
aap ke shahr mein kab meri taraf tha koi
ye bhi kya hijr-guzari ka sharaf tha koi
mere dushman ne KHabar di ki bachao sar ko
mere apnon mein kahin sang-ba-kaf tha koi
us ke iKHlas ki baDhti hui shohrat ya'ni
waqt ke hath mein bajta hua daf tha koi
wo jo dariya mein samaya to na wapas aaya
raaz ye tha ki tah-e-ab sadaf tha koi
aaj aankhon ka bhaTakna mera hissa hai 'azim'
kal to aawara-nigahi ka hadaf tha koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
