آپ نے کی نظر تو چمن جاگ اٹھا
آپ نے کی نظر تو چمن جاگ اٹھا
موسم گل کا دیوانہ پن جاگ اٹھا
آج سرشار قلب و نظر ہو گئے
حسن یوں انجمن انجمن جاگ اٹھا
سو نہ پایا تھا نجم سحر اور پھر
بن کے پہلی روپہلی کرن جاگ اٹھا
کس اشارے نے اذن تکلم دیا
بے زبانوں کا ذوق سخن جاگ اٹھا
حسن نے امتحاں کا ارادہ کیا
عشق کا ذوق دار و رسن جاگ اٹھا
انجم انجم تبسم میں گم ہو گیا
صبح ہوتے ہی چرخ کہن جاگ اٹھا
بوئے گل کس قدر تھی حیات آفریں
خواب سے فطرتؔ خوش سخن جاگ اٹھا
مأخذ:
کلام فطرت (Pg. 53)
- مصنف: عبدالعزیز فطرت
-
- ناشر: محمد ایوب محسن
- سن اشاعت: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
