aap the hain rahenge amir-e-suKHan

aap the haiñ raheñge amīr-e-suḳhan

maiñ murīd-e-suḳhan aap pīr-e-suḳhan

kaash maiñ bhī koī she'r aisā kahūñ

saarī duniyā meñ ho jo nazīr-e-suḳhan

aap tājir haiñ qīmat lagāte raheñ

maiñ na bechūñgā hargiz zamīr-e-suḳhan

us 'ilāqe meñ do chaar hī naam haiñ

jis 'ilāqe kā huuñ maiñ vazīr-e-suḳhan

koī samjhe na samjhe alag baat hai

hai laḌakpan se mujh meñ ḳhamīr-e-suḳhan

daur-e-hāzir meñ mash.hūr hai bas vahī

jis ne paale haiñ ik do faqīr-e-suḳhan

fikr merī alag merā lahja alag

mujh ko samjhe na koī haqīr-e-suḳhan

aap the hain rahenge amir-e-suKHan

main murid-e-suKHan aap pir-e-suKHan

kash main bhi koi she'r aisa kahun

sari duniya mein ho jo nazir-e-suKHan

aap tajir hain qimat lagate rahen

main na bechunga hargiz zamir-e-suKHan

us 'ilaqe mein do chaar hi nam hain

jis 'ilaqe ka hun main wazir-e-suKHan

koi samjhe na samjhe alag baat hai

hai laDakpan se mujh mein KHamir-e-suKHan

daur-e-hazir mein mashhur hai bas wahi

jis ne pale hain ek do faqir-e-suKHan

fikr meri alag mera lahja alag

mujh ko samjhe na koi haqir-e-suKHan