آپ تھے ہیں رہیں گے امیر سخن

آپ تھے ہیں رہیں گے امیر سخن

میں مرید سخن آپ پیر سخن

کاش میں بھی کوئی شعر ایسا کہوں

ساری دنیا میں ہو جو نظیر سخن

آپ تاجر ہیں قیمت لگاتے رہیں

میں نہ بیچوں گا ہرگز ضمیر سخن

اس علاقے میں دو چار ہی نام ہیں

جس علاقے کا ہوں میں وزیر سخن

کوئی سمجھے نہ سمجھے الگ بات ہے

ہے لڑکپن سے مجھ میں خمیر سخن

دور حاضر میں مشہور ہے بس وہی

جس نے پالے ہیں اک دو فقیر سخن

فکر میری الگ میرا لہجہ الگ

مجھ کو سمجھے نہ کوئی حقیر سخن