aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aariz-e-raushan pe jab zulfen pareshan ho gain

Ismail Merathi

aariz-e-raushan pe jab zulfen pareshan ho gain

Ismail Merathi

MORE BYIsmail Merathi

    āriz-e-raushan pe jab zulfeñ pareshāñ ho ga.iiñ

    kufr gumrāhiyāñ ham-rañg-e-īmāñ ho ga.iiñ

    zulf dekhī us jin qaumoñ ne vo kāfir banīñ

    ruḳh nazar aayā jinheñ vo sab musalmāñ ho ga.iiñ

    ḳhud-faroshī husn ko jab se huī madd-e-nazar

    nirḳh-e-dil bhī ghaT gayā jāneñ bhī arzāñ ho ga.iiñ

    jo banā.īñ thiiñ kabhī aivān-e-kisrā javāb

    gardish-e-aflāk se gard-e-bayābāñ ho ga.iiñ

    ḳhauf-e-nākāmī hai jab tak kāmyābī hai muhāl

    mushkileñ jab bañdh ga.iiñ himmat sab āsāñ ho ga.iiñ

    haa.e kis ko roiye aur kis ḳhātir pīTiye

    kaisī kaisī sūrateñ nazroñ se pinhāñ ho ga.iiñ

    kyā unheñ andoh-e-hañgām-e-sahar yaad aa gayā

    shaam se bazm meñ sham.eñ jo giryāñ ho ga.iiñ

    ik farishte bhī to haiñ jin ko na mehnat hai na rañj

    ḳhvāhisheñ dil balā-e-jān-e-insāñ ho ga.iiñ

    kyā hai vo jān-e-mujassam jis ke shauq-e-dīd meñ

    jāma-e-tan pheñk kar rūheñ bhī uryāñ ho ga.iiñ

    thī vo taufīq-e-ilāhī maiñ ne samjhā apnā fe.al

    tā.ateñ bhī mere haq meñ ain isyāñ ho ga.iiñ

    aariz-e-raushan pe jab zulfen pareshan ho gain

    kufr ki gumrahiyan ham-rang-e-iman ho gain

    zulf dekhi us ki jin qaumon ne wo kafir banin

    ruKH nazar aaya jinhen wo sab musalman ho gain

    KHud-faroshi husn ko jab se hui madd-e-nazar

    nirKH-e-dil bhi ghaT gaya jaanen bhi arzan ho gain

    jo banain thin kabhi aiwan-e-kisra ka jawab

    gardish-e-aflak se gard-e-bayaban ho gain

    KHauf-e-nakaami hai jab tak kaamyabi hai muhaal

    mushkilen jab bandh gain himmat sab aasan ho gain

    hae kis ko roiye aur kis ki KHatir piTiye

    kaisi kaisi suraten nazron se pinhan ho gain

    kya unhen andoh-e-hangam-e-sahar yaad aa gaya

    sham hi se bazm mein shamen jo giryan ho gain

    ek farishte bhi to hain jin ko na mehnat hai na ranj

    KHwahishen dil ki bala-e-jaan-e-insan ho gain

    kya hai wo jaan-e-mujassam jis ke shauq-e-did mein

    jama-e-tan phenk kar ruhen bhi uryan ho gain

    thi wo taufiq-e-ilahi main ne samjha apna feal

    taaten bhi mere haq mein ain isyan ho gain

    Source:

    Kulliyat-w-Hayat-e-Ismail Ba-Tasveer (Pg. ebook-486 page-298)

    • Author: Mohammad Aslam Saifi
      • Edition: 1939
      • Publisher: Dayal Printing Press, Delhi
      • Year of Publication: 1939
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now