aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aarzu hai main rakhun tere qadam par gar jabin

Taban Abdul Hai

aarzu hai main rakhun tere qadam par gar jabin

Taban Abdul Hai

MORE BYTaban Abdul Hai

    aarzū hai maiñ rakhūñ tere qadam par gar jabīñ

    uThāve naaz se zālim lagā Thokar jabīñ

    apne ghar meñ to bahut paTkā pa kuchh hāsil nahīñ

    ab ke meñ hai tirī chaukhaT pe ro.uuñ dhar jabīñ

    jaisī peshānī tirī hai ai mire ḳhurshīd-rū

    chāñd hai raushnī meñ us se kab behtar jabīñ

    shaiḳh aa jalva ḳhudā mai-kade meñ hai mire

    kyuuñ ragaḌtā hai abas ka.abe ke dar par jabīñ

    kyā karūñ tere qadam tak to nahīñ hai dastaras

    naqsh-e-pā par tire maltā huuñ maiñ aksar jabīñ

    shaiḳh gar shaitān se sūrat nahīñ miltī tirī

    bas batā dāġhī huī hai kis tarah yaksar jabīñ

    hai kisī bhī tirī se auñdhī peshānī bhalā

    dekh ai shoḳh apnī aa.ina le kar jabīñ

    aa ke jin hāthoñ se maltā thā tire talvoñ ke ta.iiñ

    pīTtā huuñ ab inhīñ hāthoñ se maiñ aksar jabīñ

    buujh kar naqsh-e-qadam ko tere mehrāb-e-duā

    māñgtā huuñ maiñ murād-e-dil ko rakh is par jabīñ

    chāñd mukhḌā hai ā.īna mus.haf lauh

    tirī hai ai mire rashk-e-mah-o-aḳhtar jabīñ

    saaf dil 'tābāñ' mukaddar kabhū hotā nahīñ

    ā.īna haigī raushan dekh le yaksar jabīñ

    aarzu hai main rakhun tere qadam par gar jabin

    tu uThawe naz se zalim laga Thokar jabin

    apne ghar mein to bahut paTka pa kuchh hasil nahin

    ab ke ji mein hai teri chaukhaT pe roun dhar jabin

    jaisi peshani teri hai ai mere KHurshid-ru

    chand ki hai raushni mein us se kab behtar jabin

    shaiKH aa jalwa KHuda ka mai-kade mein hai mere

    kyun ragaDta hai abas kabe ke tu dar par jabin

    kya karun tere qadam tak to nahin hai dastaras

    naqsh-e-pa hi par tere malta hun main aksar jabin

    shaiKH gar shaitan se surat nahin milti teri

    bas bata daghi hui hai kis tarah yaksar jabin

    hai kisi ki bhi teri se aundhi peshani bhala

    dekh tu ai shoKH apni aaina le kar jabin

    aa ke jin hathon se malta tha tere talwon ke tain

    piTta hun ab inhin hathon se main aksar jabin

    bujh kar naqsh-e-qadam ko tere mehrab-e-dua

    mangta hun main murad-e-dil ko rakh is par jabin

    chand ka mukhDa hai ya aaina ya mushaf ka lauh

    ya teri hai ai mere rashk-e-mah-o-aKHtar jabin

    saf dil 'taban' mukaddar hi kabhu hota nahin

    aaina ki haigi raushan dekh le yaksar jabin

    Source:

    Deewan-e-Taban Rekhta Website) (Pg. 109)

      • Edition: 1935
      • Publisher: Anjuman Taraqqi Urdu (Hind), Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now