aas ke pur-kaif mausam ka asar kaisa laga

aas ke pur-kaif mausam kā asar kaisā lagā

is bahār-e-nau-shagufta kā samar kaisā lagā

maiñ na kahtī thī udāsī ke sivā kuchh bhī nahīñ

aap ne dekhā mirā vīrān ghar kaisā lagā

maiñ ne ik but ko tarāshā hai zamāne ke liye

ai hunar-mando mirā kār-e-hunar kaisā lagā

zulmatoñ ke saath to tum ne nibhāyā umr bhar

shab gazīda logo andāz-e-sahar kaisā lagā

kaisā manzar hai ki hai gul-posh duniyā kā daroġh

zindagī kā sach maqām-e-dār par kaisā lagā

ye batāo lauT kar aa hī ga.e ho tum agar

ziist ke be-nām shahroñ kā safar kaisā lagā

maiñ ne darvāza tirī ḳhātir kiyā thā vā 'bahār'

tū batā de tujh ko ulfat kā nagar kaisā lagā

aas ke pur-kaif mausam ka asar kaisa laga

is bahaar-e-nau-shagufta ka samar kaisa laga

main na kahti thi udasi ke siwa kuchh bhi nahin

aap ne dekha mera viran ghar kaisa laga

main ne ek but ko tarasha hai zamane ke liye

ai hunar-mando mera kar-e-hunar kaisa laga

zulmaton ke sath to tum ne nibhaya umr bhar

shab gazida logo andaz-e-sahar kaisa laga

kaisa manzar hai ki hai gul-posh duniya ka darogh

zindagi ka sach maqam-e-dar par kaisa laga

ye batao lauT kar aa hi gae ho tum agar

zist ke be-nam shahron ka safar kaisa laga

main ne darwaza teri KHatir kiya tha wa 'bahaar'

tu bata de tujh ko ulfat ka nagar kaisa laga