aashiq ke dil mein aur teri aarzu na ho

āshiq ke dil meñ aur tirī aarzū na ho

is baaġh kā tū phuul ho phir is meñ bū na ho

ai dard-e-ishq ḳhāna-e-dil ghar tirā sahī

ābād ye makān to jab ho ki tū na ho

maiñ rang dekh kar na karūñgā yaqīñ kabhī

jab tak adū ke ḳhuun kī ḳhanjar meñ bū na ho

chāk-e-dil-e-raqīb kī jab fikr kījiye

pahle ye dekh lījiye pahlā rafū na ho

is fikr meñ kuchh un se na ham baat kar sake

ye guftugū na ho kahīñ vo guftugū na ho

mujh ko janāb-e-shaiḳh kī dāvat zarūr hai

aisī kahīñ sharāb mile jis meñ bū na ho

miTTī kī mūrat is se to ai 'dāġh' ḳhuub hai

ma.ashūq kyā jo shoḳh na ho ḳhush-gulū na ho

aashiq ke dil mein aur teri aarzu na ho

is bagh ka tu phul ho phir is mein bu na ho

ai dard-e-ishq KHana-e-dil ghar tera sahi

aabaad ye makan to jab ho ki tu na ho

main rang dekh kar na karunga yaqin kabhi

jab tak adu ke KHun ki KHanjar mein bu na ho

chaak-e-dil-e-raqib ki jab fikr kijiye

pahle ye dekh lijiye pahla rafu na ho

is fikr mein kuchh un se na hum baat kar sake

ye guftugu na ho kahin wo guftugu na ho

mujh ko janab-e-shaiKH ki dawat zarur hai

aisi kahin sharab mile jis mein bu na ho

miTTi ki murat is se to ai 'dagh' KHub hai

mashuq kya jo shoKH na ho KHush-gulu na ho